瑜伽團體班

大家都知香港係一個幾咁繁忙既都市，返工、返學、照顧家人、追劇、上網、做工課等等。無論在公在私都好多事情要處理，但總係好似做唔完咁，生活上好多人根本忙得不可開交，好多時都忽略左一個好重要既「自己」。

起初覺得瑜伽都只不過係拉下筋伸展一下身體，勁D既咪就係再做多幾個高難度式子咁，但係參加過不同導師既課堂後，令我有所不同既體會，因為我有幸我遇著芸芸，遇到一個令我除左學懂式子外，更重新認識遺忘已久的好拍檔「自己的身體」，令我開始聆聽自己既身體，幫助我重新發現如何自然地呼吸，去達到釋放身體上既緊繃感，減輕內心既壓力。

咁都未算喎，更更更重要既係，芸芸會係課堂時分享下佢對瑜伽既理念，慢慢咁透過佢對瑜伽既”愛”，係”愛”呀！去洗你腦 (煩惱) ^O^。佢重會係課堂帶出對心靈同人生上一啲反思和感悟，令我明白到點樣去到平衡自己、平靜自己，去接受自己軟弱和同自卑既一面，唔再怕係人面前展現真實既自己。

希望你地都可以遇到這個「她」，令自己可以鼓起勇氣跟隨自己的心靈與直覺，跟隨內在既真實與熱情，享受生活上既點滴。